И вот документ, четко говорящий кто населял средневековый Киев:
1481-1490. Правая королевская грамота княжне Марии Трабской, на владение Остерскою отчиною, выслуженною отцем ея, князем Секирою, у Витовта и Сигизмунда. Казимиръ, Божьею милостью король Польскiй и великiй князь Литовскiй. Смотрели есмо съ паны радою нашою кнегиню Семенову Семеновича Трабскую, кнегиню Марью, съ княземъ Васильемъ а съ княземъ Андреемъ Семеновичы Звяголскими: искала княжня Семеновна подъ ними именья, отчины своее, на имя Остра, што держалъ небощикъ отецъ ее, князь Митько Секира, при великомъ князи Витовте и Жикгимонте, а и подъ иншими тежъ искала селъ и селищъ, которые жъ издавна слухали и тягнули къ тому именью Остру, што роздали князь Олелько а князь Семенъ архимандриту Печерьскому, а бояромъ, а слугамъ, и соколникомъ, и Татаромъ Кiевскимъ, на имя Чернинъ, што архимандритъ держалъ, а Боденьковьцы, а Выползово, а Носово, а Рожъны, а Летьковичи, а Светилновичи, што были роздали бояромъ и слугамъ и соколникомъ и Татаромъ Кiевскимъ князь Олелько а князь Семенъ… (Акты, относящиеся к истории Западной России. Т. 1. СПб, 1846. № 77, с. 98.)
